Olhan ittenäisiä

Olhaan ittenäisii,
piethään ittestä kii,
piethään toisista nii,
kovasti ja lujasti.

Olhan ittellisiä.
Tietosia ittestä.
Itteohjautuvia.
Vahvaminäsiä ja itteppäisiä.

Niinko Antti Rokka.
Ei kumarreta hierarkioita,
ei auktoriteettejä.
Olhan mitä olhan.
Ja tehhään kaikhemme.
Annama kaikkemme.

Olhan hyviä.
Ei tartte kiillottaa kilpeä.
Ei kumistella onttoja ihmissuhteita.
Ei teeskennellä,
ei mielistellä,
ei nöyristellä.
Puhuthaan suohraan.

Ei uuvuta,
ei upota tekemissiin.
Sanoma - ei.
Suojaama ittemmä.

Emmä anna kiusaajien
jatkaa onnetonta touhuansa.
Emmä anna pelotella itteä.
Emmä pelottele ittekhään itteä.

Sanoma, ei.
Ei se nuin ole.
Ei piä paikkaansa.

Ja mie sanon, memmole mithän
Naton vaivaisukkoja
emmäkä Eurostoliiton uhriakkoja,
memmä niitä tartte.

Mooma ittenäisiä suomalaisia.
Omana ittenä omala paikala.
Vahvasti ittessä,
vaikka mitä tapahtus,
vaikka kuinka pelottas.
Olhan ittemmä ja heikkojen puolta.

Selk

Ilman kumpaakhaan

Jos sullon hyyää,
sullon pahhaaki.
Jos teet hyyää,
teet pahhaaki.
Jossoot hyä, soot pahaki.
Hyvässä viihtyy paha.
Hyvän ja pahan
lantisson kaks puolta,
kumpi ja kampi.

Josseijjois kumpaakhaan,
ei hyyää eikä pahhaa,
sitähän henggittäs syvhään,
nauras ja laulas täysilä
aamusta ilthaan
ja kaikki leviäis
niinko jokisten evhäät.
Kaikki joustas äärettömhiin.
Siinä sitois pihala
ja huntteerais
niinko se havukkalainen.

Ilman hyyää ja pahhaa
moraali ja omatunto
kouliintus ja alkas
ymmärttään elämää
ja antas pluvan
mettittyä ja tonkia
niinko villisian.

Ilman kumpaakhaan
olo kävis keveäksi,
nousisima korkheuksiin,
näkisimä laajasti ja kauas,
opisima lenthään
niinko lokki-joonatanit
- ja avaruuet alkas puhua.

Kirjotan kirjaa#älänujerru
https://www.laronia.com Saa jakaa!

Ei mithän ihanampaa

Ko ihminen,
joka ottaa oman paikan.

Tekkee sen,
mitä tehä pittää,
tajuaa, mikon tilanne
ja homman nimi
ja rakastaa ja luottaa.

Kirjotan kirjaa#älänujerru
https://www.laronia.com Saa jakaa!

Se jokin meilä on

Meisson se,
mikä ilmottaa,
se, joka tietää,
tämä on oiken,
tuo on totta,
se on hyä asia.

Sen voi sammuttaa
ja sen voi hiljentää.
Sitä voi harjottaa
ja sillain vahvistaa.

Kuule, se jokin meilon.

Kirjotan kirjaa#älänujerru
https://www.laronia.com Saa jakaa!

Hei haloo

Tunnelin päässä näkkyy valo.
Sei ole mihinkhään sammunu.
Älä usko semmosta,
son pelottelua.

Älä kuuntele viestejä,
jokka tuo pahhaaoloa,
sei auta eikä edistä
yhthään mithään.

Valon näkeminen on valinta.

Kirjotan kirjaa#älänujerru
https://www.laronia.com Saa jakaa!

Hoppu kotia

Helsinki on kaunis
ja niin on Ouluki
eikä maailmassole mikhän
sitä, miltä nyt näyttää
eikä miten meile sanothaan.

Ihmiskunta on
just nyt menossa
täyttäpäätä
neulansilmän läpi.

Ihmetelhäänkös porukalla
meän ja maailman
uuistumista.
Piethän paita puhthaana
ja mieli kirkhaana,
otama huiveista kiini
ja toisista kans.

Rauhaa ja rakhautta
ja sielunvoimia
rakhaat namuskaiset,
vasta jälkheemppäin
met ymmärrämä,
soli vain koti-ikävää.

- hilkkapien 7.11.22 klo 6:01

Kirjotan kirjaa#älänujerru
https://www.laronia.com Saa jakaa!

Hei kaikki

Hei rakhaat sielut tällä ja tuola puolen ajan, rakastava kunnioitukseni teile kaikile!

Äiti, sinua mie muistinko teetin valokuvia ja aattelin, ettei mithän järkeä. Sieki tehit ja vaikket ois voinu ekkä saanu tehä, sie tehit vain.

Isä, sinua muistanko puhuttaan halloweenistä, sie uhkasitko istutit aitapenssaita, että jossemmä hoijja sitä aitaa, sittekko soot kuollu, niin tuut kummittelheen. Eipä oo näkyny kummitus-issää eikä kyllä aitapensas-aitaakhaan, myit koko talon aikoihnaan. Ihan mahtavaako myit ja tehit, niinko itte halusit, se tuntuu minusta niin parhhaalta.

Niin ja mahtavaa -sannaa ruukasit isä sanoa mulle ja näytit peukkua, jos tykkäsit jostaki minun touhusta, erityiskiitos siittä ja sitä mie käytän vieläki, kuvittelen sinut kannustaan minua, jee.

Helenasisko, sinua muistanko pähkäilen tämän harmaan pitkän tukan kans. Sulla oli musta tukka, jota sain harjata, voi son yks ihanimmistä muistoista. Soot ollu minun syämmessä jo kohta 60 vuotta ja täälä mie

Hyvä uni

Mioon joen ihminen.
Mulle kelpaa paremmin
tuo Laanaoja
ja sen heijjastukset,
ko laaja meren selkä.

Sekihän tullee mulle
sieltäko olin pikkuläppi.
Uiton vene putputti joela,
läpit kurpo veessä,
pyykkipata höyrys rannassa
ja net ihmeeliset tuoksut

Ja miepä muistelen tähän
sitä jonku tietäjän lausumaa:
Kotosin Väylän varresta,
niinko ihminen
hyästä unesta.

- hilkkapien

Kirjotan kirjaa#älänujerru
https://www.laronia.com Saa jakaa!

Mikä täälä kilahtellee

Ja taas ja taas,
nonyhän mä vasta hokasin,
ääni tulee just siittäkö
pääsin tähän konheele
ja pikkuideat alko
tipahella peräjälkheen
ideoitten aarrearkhuun.

Net meni kylpöhmään
ja kypsyhmään sinne
ja saa jäähäkki sinne,
ei oo hoppua.
Net saa rauhassa kasvaa
ja vahvistua sielä
muheviks ja mahtaviks,
ihaniks ideoiks.
Tai sitte net haihtuu
maailman tuuhliin.

Raakihleet tahtoo ussein
olla kulmikhaita,
kovia, kuivia, teräviä,
tärkeileviä, kärkeileviä,
ilkeitä, jopa myrkyllisiä,
hahhahhaa,
joten heips vaan rakhaat
maailman ihmiset,
täälolhan
ja iloittaan elämästä,
hyä päivä päivä tulossa!

- hilkkapien 3.11.22 klo 9:02

Kirjotan kirjaa#älänujerru
https://www.laronia.com Saa jakaa!

Hilkka hilpeän aamujulistus

Ohase seki jotakiko ei tartte puolustaa eikä pittää niitä meän ihmisten kehittelemiä korttitaloja pystössä, se on toelaki jotaki.

Minun ei tartte todistaa siskojen eikä veljien puolesta eikä rinnala. En tunnusta mithän virallista vakkaumusta enkä uskoa, en valtiotakhaan eikä multa kukhan semmosia kysykhään, eipä sillä.

Eilinen on eilistä, tänhän uus aamu ja valittavana monta valintaa, mutta johatus näyttää, elämä kertoo sitte, mitä elämä tuo ja pyytää ja sitä sitte kuuntehleen herkälä korvala ja sitte vaan höpöttelheen. Tämä onnea on, joo, mie sanon, tämä onnea on.

Katon ja ihmettelenko maailman systeemit ryskää ja ihmiskunta ja maailma uuistuu.

Sori vaan, oon rouvva hulda huoleton, täälä skriivailee rouva hilkka hilpeä, toimiva ja ihan ittevarmasti onnellinen pösilö.

Siis ohammulla usko ja mulla on luottamus, kaikheus hoitaa homman ja hyvin meile käy ja tapahtuu, jee ja jes.

Ja mikähän julistus tämäki muka taasson, aamujulistus teile ra

Himphampun tekijä täälä höpisee

Kirjotan kirjaa,
välilä itkettää,
usseimiten naurattaa
ja aina saan energiaa.

Sie sanot,
onko tuo ees harrastus,
hahhahhahhaa,
naurama yhessä
ja mie osaltani
jatkan höpinääni
ihmiskunnan yhtenä osana
niinko tuo syksynlehti
tekkee osansa
kose lentelee
pitkin nurmikoita
ja lopulta maatuu.

Kirjotan kirjaa#älänujerru
https://www.laronia.com Saa jakaa!

Justse punanen lanka

Ehämmie tiä tilantheita
enkä toellisuuksia,
en ainakhaan,
enkä varsinkhaan etukätheen,
elämä yllättää,
mutta mullon joku
näkymätön punanen lanka,
jota en tarkemmin tiä,
mutta tunnistan sen,
tiän, mitä tehä,
vaistoan sen,
se johattaa minua
ja jos asiat rulettaa,
tiän, etoon oikealla tielä,
jatkan höpöttelyä
ja etheenpäin köpöttelyä,
puuhastelen ja hypistelen
sitä salhaista lankaani
ja josse välilä hukkuu,
pysähyn ja kuulostelen sitä
ja kohta taas näen sen
ja taas menhään.

Muksaa iltaa t. hilkkapien 1.10.22 klo 19:48

Kirjotan kirjaa#älänujerru
https://www.laronia.com Saa jakaa!

Lääkheet otettuna

Maailma on kaunis,
hyä ja oikeuenmukanen.

Otan oman paikkani,
johon johatus on minut tuonu
ja katon tuttuja näkymiä.

Otan kaiken vasthaan
paineettomasti
ja vääntämättä,
ilman ehtoja,
keveästi,
tähti ottassa
ja voima rantteissa,
syän rakhautta täynä,
kiitos.

Ps. Kiitos elämä niistäki
lääkheistä, joiten halunu
ja jokka jouvvuin ottaan
vaikeasti.

- hilkkapien

Kirjotan kirjaa#älänujerru
https://www.laronia.com Saa jakaa!

Onnellista syyskuuta kaikile raksuile👍🙏💙🌿🌷

Valiaika

Istun toolila ja ihmettelen,
miehän oon sanonu jo kaiken.
Ei mulla muuta.

Mullei lähetystehtävvää,
en halua manipuloijja,
en johtaa joukkoja,
en perässä hiihtää,
enkä todistella kuorossa.

Kerronko mie vain,
yhä uuesti,
että moon olemassa.

Siinähän se on, se se on,
tämonse minun laulu,
tämä kirja on minun laulu,
täynä itteilmasua
ja olemassaoloa,
niinko pikkulintu hyppis
oksalta toisele,
näin mie elämästä laulan,
oonhan hilkka laronialainen.

Oulu, oma työhuone 13.8.22 klo 13:23

Kirjotan kirjaa#älänujerru
https://www.laronia.com Saa jakaa!

Valon kantajia oomme kaikki

Tääläkö nyt ryystän
parvekheela iltakahvia,
mie aattelen,
että tässäkö kesä kypsyy,
niin yhtä aikaa sen kans
maailmankaikheus
ja meän kaikkien yhteiset
ajatukset, tunnot ja teot
yhessä tuo yhä enämpi
valoa maailhmaan
ja son tärkeintä.

- hilkkapien, 12.8.22

Kirjotan kirjaa#älänujerru
https://www.laronia.com#saajakaa

Mikä tahansa järjestelmä on hyä, jos siinon vaphaita ja vilpittömiä ihmisiä tekemässä hyviä tekoja 💗🌷🙏🌿

Kaikile hyvät ja jyvät

Viha, kosto ja katkeruus
kulki perävilkhaan,
kilkkas nilkhaan,
löi ja pilkkas,
mursi syäntä silkkaa,
puristi päätä,
kiristeli hamphaita,
kunnes yhtäkkiä vain
met näimä heät,
kuuntelima tarkasti
ja aurinko paisto
ja ihan vaivihkaa
synty peri-ihmisyys,
elämää möyhi,
rikhauet pöyhi
ja jako kaikile
hyvät ja jyvät,
siittä kiitokset syvät,
kiitos, kiitos, kiitos.

Kirjotan kirjaa#älänujerru
https://www.laronia.com#saajakaa

Sillonko elämä vaatii

Tämä tämän vuen alkupuolikas on vaatinu ja koskettanu, no tietenki ennenki jako on näin vanha, mutta kuitenki, tuntunu, että solmuunnun lähtöjen ja kuolemien ja eripurien ja muistisaihrauksien ja muitten vakavien saihrauksien ja asioitten kans.

Yhä uuesti olen ittele toistanu, mie en ole itte sairas eikä mulla ittelä hättää, välilä märsässy ja taas kokenu kiitollisuutta, ko elämäntie mullaki ollu niin rikas.

Ja valo voittanu ja voittaa ja kaikkea mahtavaa, kuten vaikka kesä ja se, että tartun kivoihin tekemissiin, siis höpinöihin.

Pus pus kaverit, kyllä se tästä, vielä on kessää jälelä ja tämä hetki. Eilen puhuima Hilkka Oon kans, kuinka tämä hetki ja se, mitä omasta mielestä arvokasta tehhään minäki hetkenä, son sitä elämänlahjaa, mikä meilä on.

Ja miehän maallaan joka päivä yhen maalauksen ja kirjotan yhen hömpätyksen Älä nujerru -kirjhaani tai siis, jos luontuu.

Eläkkeestäki kiitän, varsinki muistan ilahtua nytko on taas kuun 1. pv, onse ihme

Mie

Lupasin
joku kerta,
kuvvaila itteäni,
onkhanse kerta nyt.

Pösilö, tosikko,
ääriainesta
ulkokehän väkeä,
keikkuu ja köpöttellee
maailmojen laijjoila.

Kirjotan kirjaa#älänujerru
https://www.laronia.com#saajakaa

Mitähän se sillä tahtoo

Tint-tanttan-tallal-lei,
mitähän se sillä tahtoo,
kose päin näköä sannoo:
eksolekhan feministi,
soot kommunisti,
oot sinisilmänen idealisti.

Voin porista kaikesta,
mutten ota ittele mithän
isti enkä ismi -viittaa
enkä moo vapaehtosesti
menossa mihinkhään kaaphiin,
en kophiin enkä lokehroon.

Moon tänhän tätä
ja huomena tota
ja nimittelen itte itteä,
jos tarve yllättää,
silviisii ja tällee
ja huh hah ja hellurei
ja hellät tuntheet.

Kirjotan kirjaa#älänujerru
https://www.laronia.com#saajakaa

Aborttipuhheet

Ko kuuntelen näitä puhheita aborteista, jään ussein ihmettelheen, miten tämäki on niinko joku puolesta vasthaan asia.

Minunhän häätyy aika ajoin sönköttää julki omia varsinaisia avvautumis-aatoksia, siis koko ajan, mutta en tarkota provosoijja.

Alotan sanomalla, en moralisoi kenenkhään päätöksiä omasta ittestä ja elämästä, mutta minua ei kait olis jos nykymeininki ois sillon maailmassa ollu ja se ajatus tekkee sen, etten ossaa olla puolesta enkä vasthaan tässäkkään asiassa.

Enkä luule yhthään, että tämän hetken puhheenaihheissa ois minusta kyse, ei ole minusta kysymys juuri koskhaan, mutta tässä ajassa kärjistyy joka elämän asia, minun mielestä.

Jos ois sillon ollu tämän hetken meininki, minun aivan liian nuoret vanhemmat eijjois perustanheet perhettä, menheet Kekkosen luvalla naimissiin eikä meitä vanhimpia läppejä ois ollenkkaan. Äitilä oli 18 vuotiaana 3 lasta.

Ja kuinka syämmessä tuntuuko aattelen, vaikka äitiä, jokoli Karjalan evakko, Viipurissa 1

Hyvä päivä tulossa

Maailma keulii
ja yhtä aikaa,
hyvä ja tosi
ja oikeuenmukasuus
on jo täälä
ja koko kaikheus
hyälä päälä.

Elämä uueksi järjestyy,
systeemit tervvehtyy,
väkivalta väistyy,
käyhyys niistyy,
ja ämmi vieläki uskoo,
ihmiskunnan
suuhreen syähmeen
ja luottaa
tapahtumien kulun
salaperässeen viishautheen.

Huomenta raksut murut,
siuhnausta kaikile,
voikaa hyvin ja jaksakaa,
hyä päivä tulossa.

Kirjotan kirjaa#älänujerru
https://www.laronia.com#saajakaa

Missäs net herähneet on

Ei mishään,
ei toinen parempi toista,
ei heränneempi,
ei valaistunheempi
eikä tiedostavampi.

Jossaki asiassa,
jossaki suhteessa,
jossaki mielessä,
kyllä. Ehkä.

Samassa venheessä
olhan kaikin
ja joka ihminen
on opettaja toisele
ja joka kohtaaminen
antaa jotaki,
vaikka sois
kivi mettätielä.

Kirjotan kirjaa#älänujerru
https://www.laronia.com#saajakaa

Amatöörit asialla

Net harjottellee
rakhautta,
ihan amatöörimäisesti,
ilman sertifikaatteja.

Rakastaa jopa
amatöörimäisyyttä,
ittessä ja toisissa,
sitäkikö tehhään virheitä,
hämmennystä ja horjumista,
sitäko ei ymmärretä,
ajatukset sekoaa
eikä osata sanoa mithän
ja tullee vaivautunu
hiljasuus.

Amatööri sanassa
ama tarkottaa rakhautta
ja tööri tekijää.

Kirjotan kirjaa#älänujerru
https://www.laronia.com#saajakaa

Mitähän tapahtus

Kuinka helposti met
riistämä toisia ihmisiä,
mitätöimä ja pilkkaama
tai alama vängätä vääräksi
toisten tekemistä
ja heän ommaa oikeaa.

Ja sillonkiko hän on
ilonen ja ylpeä
omasta käsityksestään,
meän pittää tulla ja puuttua
ja pilata toisen ilo.

Mitähän toelaki tapahtus,
jos hyväksysimä
toiset ihmiset
ja heän mielipitheet,
kunnioittasima hellästi
ja kuuntelisima onnessamme,
nuinki voi aatella
ja kattosima rauhassa
toisen tyyliä
hihtoa ja huhkia
kesät talvet
elämänsä omila varsiteilä.

Kirjotan kirjaa#älänujerru
https://www.laronia.com#saajakaa

Yksinkertasia yhtälöitä

Tasapainonen ihminen
ei kiusaa eikä tehe pahhaa
toisele ihmiselle.

Ihmisen kohtelu tai olot,
joissa hän ellää,
voi tehä ihmisestä
kiusaajan tai rikollisen.

Ymmärtäväinen ihminen
ei töki, närpi, leimaa
eikä mitätöi tahallaan
toista ihmistä.

Ittetuntonen kykenee
lukheen tilantheen
ja näkheen toisen ihmisen
ja kunnioittaan tätä
semmosenako hän on.

Viisas ihminen ei syytä
toista ihmistä
omasta olosta
eikä omista tuntheista.

Kirjotan kirjaa#älänujerru
https://www.laronia.com#saajakaa

Kesämielii

Kesä tulla koikkelehtii,
aurinko lämpöä lainehtii,
lehet puihin pykäs,
lintujen kurkut rykäs,
kukkia kansa keräs,
pään tyhjäks pyhkäs,
ilosta nyyhkäs,
valoa ja lämpöä kokos,
heltteestä lakos,
kuumuutta manas,
niityile laukkas,
ukkosta paukkas,
rakheita koukkas,
kesäeliksiirit naukkas
ja nauhriista haukkas.

Naatista keitti vellii,
että jakso kellii
ja toista hellii
ja kolmatta karamellii
maistelttii, nii,
ja uihmaan rynnättii
ja lopuks unimaakarii
kaikile laulelii,
kauhniita unosii!

Kirjotan kirjaa#älänujerru
https://www.laronia.com#saajakaa

Että sinut näkisin

Näenkös mie toela,
kuka ihminen
minun eessä on.

Ilman ennakkoluuloja,
ilman tykkäämisiä,
ilman ehtoja.

Vai kohtaankos mie
vain oman mielikuvan.

Piänkös mie loputonta
teatteria ihmisten kans,
jaan rooleja ja naamareita,
paan sanakki suuhun,
ainaki mielessä,
aattelen, sitähän
se kuiteski tarkotti.

Esitänkös mie jumalaa,
joka kysymättä tietää
toisen tuntoja, ajatuksia
ja sisäsiä asioita.

Ja koko ajan siinä eessä
läsnäoleva ihminen,
ihminen paikan päällä,
kohan hiljentysin
ja näkisin.

Kirjotan kirjaa#älänujerru
https://www.laronia.com#saajakaa

Onnet kynnyksillä oottaa

Onni eijjoo oo
tavote, siihen ei voi
pyrkiä eikä sitä tavotella,
son aina paikalla.

Onnella eijjoo kylkiäisiä
eikä ehtoja eikä syitä,
sillon vain seurauksia,
son niinko hellä hallaus,
joka kynnyksillä oottaa
ja lipsahtaa heti paikale,
ko antaa vähänkhään
tillaa sen tulla.

Onnen vilhaus ilahuttaa
niinko rusina repussa,
ko on itte valmis
ilahtuun siitä.

Kirjotan kirjaa#älänujerru
https://www.laronia.com#saajakaa